Зимското сметање на времето заврши ноќеска, а летното почна со поместување на часовниците за еден час напред, од два на три часот.
Летното сметање на времето ќе им овозможи на луѓето повеќе дневна светлина и ќе ги намали трошоците за електрична енергија, но експертите долго време предупредуваат дека губењето на еден час сон може да предизвика нарушувања на спиењето кај некои луѓе, барем во првите неколку дена, како и некои други здравствени проблеми.
Различни прописи за летното сметање на времето беа стандардизирани во Европската унија во 1996 година. Во 2018 година, Европската унија предложи да се укине промената на часовникот, но до денес не е постигнат договор.
