Возач на 59-годишна возраст во Хрватска е осуден на парична казна од 5.060 евра и шест месеци затвор поради возење во алкохолизирана состојба со дури 3,37 промили алкохол во крвта.
Инцидентот се случил вчера околу 13:40 часот, кога возачот управувал возило на улица со забрана за сообраќај за сите моторни возила, освен јавен превоз и такси. Полицијата утврдила дека тој не само што бил под дејство на алкохол, туку и возел без возачка дозвола, која претходно му била одземена поради неположено итно медицинско испитување.
Возачот бил уапсен и задржан во службени простории до отрезнување. Наредниот ден бил изведен пред прекршочен суд со предлог за 60 дена затвор и шестмесечна забрана за управување возило.
Судот го прогласил за виновен и му изрекол казна според предлогот на полицијата, информира Danica.hr.
