Советот на Општина Пехчево едногласно ја отфрли иницијативата за изградба на дата-центар. На денешната седница сите девет советници гласаа против предлогот.
Против се изјаснија пет советници од ВМРО-ДПМНЕ и коалицијата, тројца од СДСМ и коалицијата и еден советник од Движењето ЗНАМ.
Одлуката следува по повеќенеделни реакции во јавноста поврзани со проектот. Меѓу главните забелешки беа недоволните информации за инвеститорот, потрошувачката на вода и електрична енергија и можните последици врз животната средина.
Против проектот реагираа и граѓански активисти, како и ДОМ и Левица, кои бараа поголема транспарентност и вклучување на граѓаните и стручната јавност во постапката.
По расправата, советничките групи порачаа дека за идни инвестиции од ваков тип треба да има целосни информации, стручни анализи и транспарентна постапка.
