Големото знаме на Украина што беше поставено во центарот на Приштина од почетокот на конфликтот меѓу Русија и Украина како знак на поддршка за Украина, беше отстрането еден ден по посетата на украинскиот претседател Володимир Зеленски на Белград, каде што тој нагласи дека ставот на Украина за непризнавање на независноста на таканареченото Косово останува непроменет.
-Ние ја почитуваме територијалната интегритет на нашите партнери, го почитуваме меѓународното право, тоа е нашата позиција. Во врска со она што го кажавте за едностраното прогласување независност на Косово, тоа останува непроменето. Ние секогаш го нагласувавме тоа и политиката на Украина не се промени – нагласи Зеленски.
Претседателот на Украина се најде на мета на многу остри критики од приштинските институции и медиуми.
