Дознајте како да ослободите 15 GB простор за складирање на iPhone по ажурирањето на iOS 27 со брз и едноставен трик – промена на јазикот на Siri
Пристигнувањето на оперативниот систем iOS 27 донесе нова генерација на системот за вештачка интелигенција Apple Intelligence, но и непријатно изненадување за корисниците. Голем број од нив пријавуваат дека по ажурирањето системот зафаќа од 9 GB до дури 16 GB од внатрешната меморија за локалните модели на вештачка интелигенција.
Особено се погодени сопствениците на модели со 128 GB простор за складирање, како што е iPhone 16. Кај нив системските датотеки и меморијата резервирана за вештачката интелигенција зафаќаат до 30% од вкупниот капацитет.
Дополнителен проблем е тоа што Apple Intelligence зафаќа простор дури и во региони во кои функциите за вештачка интелигенција официјално не се поддржани, како што се земјите во Европската унија.
Експериментите на корисниците покажале дека класичното деактивирање на услугите Apple Intelligence или гласовниот асистент Siri во поставките воопшто не го ослободува зафатениот простор. Промената на регионот на корисничката сметка на Apple исто така не е практично решение, бидејќи може да бара откажување претплати или трошење на преостанатите средства на сметката.
Сепак, заедницата на платформата Reddit открила ефикасен начин да се заобиколи проблемот.
Променете го јазикот на Siri. Apple Intelligence функционира само кога јазикот на уредот и јазикот на Siri се поставени на американскиот (US) или британскиот (UK) англиски јазик.
Изберете друга варијанта на англискиот јазик. Ако во поставките за Siri изберете англиски јазик за Канада, Ирска, Јужна Африка или Нов Зеланд, системот автоматски ги отстранува локалните модели на вештачка интелигенција од уредот.
Примената на овој трик, со задолжително рестартирање на телефонот, го намалува зафатениот простор од 15 GB на само 100 MB. На тој начин, целиот ослободен простор повторно му станува достапен на корисникот. Зарем тоа не е одлично?
Покрај незадоволството поради губењето на внатрешната меморија, многу корисници укажуваат и на уште еден спорен потег на Apple. Паралелно со ажурирањето, компанијата ги засилила промотивните известувања за претплата на iCloud и користење простор за складирање податоци во облак.
Се чини дека компанијата била свесна дека на корисниците ќе им недостига меморија, па им понудила „решение“.
Бидејќи официјално решение од Apple сè уште се очекува во некое од следните помали софтверски ажурирања, промената на јазикот на асистентот Siri засега останува најбрзата и најефикасната опција за сите на кои им недостига простор за складирање на телефоно.
