Минатата година беше најтешка за оризопроизводството, a во 2026та влеговме со старите големи проблеми, констатираат производителите на “белото злато” од кочанскиот регион.
Откуп нема, ниската производна и откупна цена, како и неконтролираниот увоз на ориз од земјите од Блискиот исток се дополнителни проблеми за незадоволството кај земјоделците да е сè поголемо и најавуваат радикални протести.
Од реколтата 25та има само 5% откупена оризова арпа, а моменталната откупна цена за оризопроизводителите е крајно неприфатлива, што значи речиси цела реколта стои по амбарите. Тврдат и дека откупната, како и производната цена се темелат на погрешни основи.
Од друга страна пак, откупувачите велат дека се раководат според побарувачката на пазарот и не можат самостојно да одлучуваат по која цена ќе откупуваат. Ваквата ситуација оризпроизводителите ги става во незавидна положба и заклучуваат дека доколку надлежните не најдат решение, тогаш ќе бидат оставени сами на себе и како што велат, ќе бидат приморани работите да ги преземат во “свои раце”.
