Орце Ѓорѓиевски, градоначалник на општина Кисела Вода и кандидат за градоначалник на Град Скопје, денеска оствари средба со тим врвни експерти во областа на архитектура, урбанизам и транспорт. На состанокот присуствуваа проф. д-р Мишко Ралев, декан на Факултетот за архитектура и дизајн при Универзитет Американ Колеџ Скопје, проф. д-р Огнен Марина од Архитектонски факултет Скопје, проф. д-р Горан Мијоски од Градежен факултет, архитектот Аљоша Шопар и експертот по земјишна политика и администрација Славче Трпески.
Разговорите се фокусираа на изборната програма во делот на урбаниот развој, со акцент на урбанизмот, транспортот и заштитата на животната средина. Ѓорѓиевски истакна дека програмата носи иновативни и современи решенија за решавање на урбаниот хаос, сообраќајниот метеж и модернизација на јавниот превоз, со цел Скопје да добие функционален и одржлив систем.
,,Со овој тим и визија, Скопје ќе стане град на рамномерен развој и иновативни решенија кои одговараат на вистинските предизвици“, порача Ѓорѓиевски.
