Најмалку три лица се убиени, а две се ранети во престрелка во Ајдахо, соопшти денеска локалната полиција и потврди дека осомничениот за пукањето е ликвидиран за време на полициската интервенција.
Пукањето се случило вчера кај ресторанот „In-N-Out“ во градот Твин Фолс, во Ајдахо, соопштија надлежните, пренесува „Ен-би-си њуз“.
– Најмалку две лица се повредени во насилниот инцидент, но таа бројка би можела да се зголеми – изјави портпаролот на Твин Фолс, Џош Палмер.
Шефот на локалната полиција во Твин Фолс, Метју Хикс, соопшти дека осомничениот напаѓач бил убиен за време на полициската интервенција, но засега не е јасно дали осомничениот е една од трите потврдени жртви.
– Идентитетот на осомничениот и можниот мотив за пукањето сè уште се утврдуваат. Веруваме дека опасноста за нашата заедница е помината – изјави Хикс на прес-конференција.
Надлежните служби реагирале околу 14:30 часот по локално време по дојави за пукање во околината на ресторанот „In-N-Out“ на булеварот „Блу Лејкс Норт“, потврди локалната полиција.
