Министерството за земјоделство најавува построги правила и засилени контроли при доделувањето на субвенциите, со цел парите од државната поддршка да завршат кај активните и реалните производители. Според најавите, ќе се воведат подетални проверки на пријавените површини, сточниот фонд и фактичкото производство, како и дополнителни теренски контроли.
Од ресорот порачуваат дека целта не е намалување на финансиската поддршка, туку елиминирање на злоупотребите и затворање на „сивите зони“ во системот. Во иднина, корисниците ќе мора навремено да доставуваат целосна документација, а при утврдени неправилности ќе следуваат санкции и враќање на средствата.
Со заострувањето на критериумите, Министерството очекува поголема транспарентност и правична распределба на буџетските средства, особено во услови на ограничен аграрeн буџет и зголемени трошоци за производство.
На брифинг со новинарите, Трипуновски информира дека идниот месец ќе замине на средба во Брисел која е веќе најавена.
-Во однос на воочените забелешки од Брисел, не можам да кажам кога ќе се случи одблокирање и продолжување на целиот процес, но важно е дека се работи на документација за акредитирање нови мерки. За “чистите” ИПАРД апликации што веќе се одобрени и се реализираат, најверојатно ќе излезе во пресрет државата и ќе ги поддржи, а потоа тие средства ќе се компензираат со европските средства од ИПАРД, истакна министерот.
