На емисијата „Тема на ден“ на Телевизија Сител, потпретседателката на ВМРО-ДПМНЕ, Гордана Димитриеска Кочоска, истакна дека не е потребно дополнително оптоварување на граѓаните по истекувањето на повластената стапка за купување нов стан.
,Се уште анализираме и ќе излеземе со конечна одлука, но сметам дека не ни треба дополнително оптеретување на граѓаните. Буџетот е во добра насока, приходите се собираат како што е планирано, а и на расходната страна се внимава. Особено за младите лица кои купуваат свој прв дом или влегуваат во брачна заедница, моментално не е потребно дополнително оптоварување“, рече Димитриеска Кочоска.
Таа додаде дека Владата подготвува и мерки за справување со високата инфлација, нагласувајќи дека треба подолгорочно решение, а не само краткорочни мерки.,,ЌЌе излеземе со предлози, но тие треба да бидат одржливи и со фокус на долгорочен ефект“, посочи министерката.
