Португалија само што го стартуваше Светското првенство, а веќе пристигнаа вести што силно одекнаа во фудбалската јавност. Според информациите на „talkSPORT“, селекторот Роберто Мартинез донел одлука да ја напушти репрезентацијата по завршувањето на Мундијалот.
Договорот на шпанскиот стратег истекува на крајот од јули, а наводно нема намера да го продолжи без разлика на резултатот што Португалија ќе го оствари на турнирот. Така, Светското првенство ќе биде неговото последно натпреварување на клупата на Португалците.
Во центарот на вниманието повторно ќе биде Кристијано Роналдо, за кого ова најверојатно е последна можност да го освои единствениот голем трофеј што му недостасува во богатата кариера. Дополнителна тежина на турнирот му дава и фактот што ќе претставува збогување на Мартинез со националниот тим.
Новинарот Алекс Крук открива дека одлуката е донесена во координација со федерацијата, која веќе почнала да размислува за негов наследник. Како можни следни чекори за Мартинез се споменуваат враќање во клупскиот фудбал, ангажман во Премиер лигата или преземање на некоја од водечките европски репрезентации.
Во меѓувреме, повторно се актуелизира и името на Жозе Мурињо, за кого се тврди дека во минатото бил блиску до селекторската функција пред да заврши во Реал Мадрид. Сега останува да се види дали токму „Специјалниот“ ќе биде човекот што ќе ја наследи клупата на Португалија.
