Адвокатката Сузана Јошевска – Анастасовска, со 22 години професионално искуство, моментално најпозната по тоа што е адвокат на еден од обвинетите во судскиот процес за трагедијата во Кочани, но и често остар критичар на власта, е еден од двата предлога на претседателката Гордана Сиљановска – Давкова за нови членови на Судскиот совет.
Јошевска – Анастастовска своевремено беше и советник на СЈО.
Како адвокат со над 20 години искуство, Сузана Јошевска – Анастасовска е и основач и партнер во адвокатска канцеларија „Станковиќ и Јошевска“ од март 2007 година.
Дипломирала на Правниот факултет “Јустинијан Први“ при Универзитет Св. Кирил и Методиј во Скопје во 2002 година. На истиот факултет завршила и магистерски студии по кривично право.
Правосудниот испит го положила во април 2005 година.
