Два трговски брода покрај италијанскиот брег ги пронајдоа телата на двајца мигранти и спасија 32 лица од брод кој се обидуваше да стигне до Европа од Либија за време на велигденскиот викенд, соопштија хуманитарни групи, повикувајќи се на преживеани кои рекоа дека 71 други се водат како исчезнати на море.
Телата беа предадени на патролен брод на италијанската крајбрежна стража и однесени на италијанскиот остров Лампедуза, соопштија групите Mediterranean Saving Humans и Sea Watch, објави Ројтерс.
Преживеаните рекоа дека бродот првично превезувал 105 патници, од кои 71 исчезнале на море, соопштија спасувачките групи.
Снимките објавени од Sea Watch покажаа околу десетина луѓе како се држат за превртениот портокалов брод додека трговски брод им се приближуваше.
Лошите временски услови оваа година го ограничија бројот на заминувања на бродови од Северна Африка кон Медитеранот, создавајќи големи проблеми за оние кои успеваат да отпловат.
Меѓународната организација за миграција (IOM) проценува дека најмалку 683 лица загинале во централниот Медитеран оваа година, што е еден од најлошите бројки од 2014 година.
