Министерството за внатрешни работи соопшти дека по завршувањето на финалните тестирања, во функција се пуштени безбедносните камери од системот за сообраќаен надзор „Безбеден град“ на автопатската делница меѓу селата Горенци и Требеништа, во општина Дебрца.
Од МВР информираат дека наскоро камерите ќе започнат со работа и на сообраќајниците во Охрид и околниот регион, каде што опремата е веќе поставена, а во тек се последните технички проверки и тестирања.
Според Министерството, системот „Безбеден град“ ќе овозможи поефикасна и континуирана контрола на сообраќајот, полесно откривање на прекршоците и поголема сообраќајна дисциплина, со цел зголемување на безбедноста на патиштата и намалување на бројот на сообраќајни незгоди.
Од МВР апелираат до возачите доследно да ги почитуваат сообраќајните правила и прописи.
