За време на денешниот прв круг од локалните избори, граѓаните кои ќе се соочат со повреди на своето избирачко право ќе можат да поднесат пријава до Народниот правобранител преку бесплатната телефонска линија 0800-54321, која е активна од 7 до 19 часот — од отворањето на избирачките места па сè до завршувањето на гласањето.
Покрај тоа, пријави можат да се поднесат и лично во сите седум канцеларии на Омбудсманот низ државата: во Скопје, Битола, Куманово, Кичево, Струмица, Тетово и Штип.
Граѓаните можат да се обратат и директно на следните броеви:
- Тетово: 044 344-082
- Струмица: 034 329-996
- Кичево: 045 228-586
- Битола: 047 242-310
- Штип: 032 389-701
- Куманово: 031 431-488
Од Канцеларијата на Народниот правобранител информираат дека институцијата ќе презема итни мерки за заштита на правата на граѓаните, со барање за ефективно постапување од надлежните органи во изборниот процес и другите институции.
Омбудсманот потсетува дека избирачкото право е загарантирано со Уставот и претставува едно од основните човекови права, кое е еднакво, општо и непосредно за сите граѓани.
