36-годишен маж од Гостивар вчера пријавил дека бил измамен за сума од 7.200 денари откако оставил капар на лажен оглас за издавање на стан во Скопје.
Како што се наведува во полицискиот билтен, вчера (18.10.2025) во 15:45 часот во СВР Скопје, 36-годишен маж од Гостивар пријави дека бил измамен за сума од 7.200 денари.
Според пријавеното, контактирал со едно женско лице, во врска со оглас на социјална мрежа за издавање стан во Скопје. Откако се договориле, капарот го оставил во угостителски објект на подрачјето на Бит Пазар, како што му било кажано, по што подоцна не можел да стапи во контакт со неа, при што сфатил дека е измамен.
Се преземаат мерки за расчистување на случајот.
