Фудбалерите на Челзи и клубот одлучија дел од бонусите што ги заработија од освојувањето на Светското клупско првенство да ги донираат на семејствата на поранешниот играч на Ливерпул, Диого Жота, и неговиот брат Андре Силва. Како што е познато, во јули двајцата загинаа во трагична сообраќајна несреќа.
Челзи доби 114,6 милиони долари (84,4 милиони фунти) за својата победа на Светското клупско првенство, а клубот издвои 15,5 милиони од нив како бонуси, кои ќе ги поделат играчите на Енцо Мареска, кои беа во тимот на Лондончани за време на турнирот во САД.
Според „The Athletic“, клубот и играчите одлучија дека еднаков дел од секој бонус ќе биде доделен на семејството на Жота и неговиот брат. Секој играч добива околу 500.000 долари од вкупниот награден фонд, а приближно истото ќе биде доделено на гореспоменатата кауза.
