Полицијата ја опколи зградата во центарот на Подгорица каде што живее бизнисменот Ацо Ѓукановиќ.
Во истата зграда, на улицата Вука Караџиќа, се наоѓа филијала на Прва банка, во сопственост на Ѓукановиќ.
Полицијата го пребарува и имотот на Ѓукановиќ во Никшиќ.
Како што дознава Вијести, инспекторите ќе го претресат имотот на Ацо Ѓукановиќ. Според сознанијата на Вијести, акцијата ја води Основното државно обвинителство во Подгорица.
Ацо е брат на поранешниот долгогодишен премиер и претседател на земјата, Мило Ѓукановиќ.
Во септември 2023 година, Центарот за истражувачко новинарство на Црна Гора објави дека Ацо Ѓукановиќ се преселил во Луксембург веднаш по изборите во 2020 година и дека таму влегол во нови проекти.
Богатството на помладиот Ѓукановиќ се проценува на стотици милиони евра.
Прва банка е само една од поранешните државни компании што преминаа во рацете на Ацo, за време на годините на сомнителни и партнерски приватизации управувани од Ѓукановиќ постариот.
