Екипата на ФК Новаци, која ја заврши првата полусезона на 6. место во Втората македонска фудбалска лига, денеска официјално започна со подготовки за вториот дел од шампионатот.
Под водство на тренерот Дарко Крстески, играчите веќе се вратија на теренот, каде што ги изведуваат првите тренинзи. Програмата вклучува физички подготовки, тактички вежби и работа на тимската организација, со цел подобрување на формата и резултатите во продолжението на сезоната.
ФК Новаци се надева дека со посветеност и дисциплина ќе го надгради она што го постигна во есенскиот дел и ќе има успешен старт на втората полусезона.
