Пристапувањето на Украина во Европската Унија е нереално во догледна иднина, додека Србија, Црна Гора и Албанија се многу подобро подготвени за проширување на ЕУ, но постојано се соочуваат со нови политички барања, изјави словачкиот премиер Роберт Фицо во емисијата „Саботни дијалози“.
Според него, членството на Киев во ЕУ би барало едногласно одобрување од сите земји-членки, а големите земји би биле првите што ќе го блокираат.
Фицо, исто така, го критикуваше високото ниво на корупција во Украина, посочувајќи на десетици милијарди евра што ЕУ веќе ги издвоила.
Тој уште еднаш повтори дека не сака да учествува во плановите за распределба на нови средства за воена опрема и дека ветува дека ќе ги блокира сите финансиски одлуки насочени кон купување оружје за Киев на состаноците на Европскиот совет.
