Освен што сме четврта економија во Европа според растот на БДП од 3,7 отсто во првата половина о 2026, барем според зборовите на премиерот Христијан Мицкоски, сега може да се гордееме и со фактот што сме послаби од Европејците.
Во 2025 година, 16,3% од луѓето во Европската Унија на возраст над 18 години биле дебели, што значи дека имале индекс на телесна маса од 30 или повисок. Дополнителни 35,4% биле со индекс на телесна маса помеѓу 25 и 30. Генерално, повеќе од половина од населението на ЕУ било со прекумерна тежина, покажуваат податоците на Евростат.
Мажите во ЕУ се подебели од жените. Стапката на дебелина кај мажите е 17,4%, а кај жените 15,3%. Дополнително, 41,9% од мажите биле со прекумерна тежина, во споредба со 29,3% од жените.
Најмногу дебели луѓе има во Малта, каде што повеќе од една четвртина од населението е со прекумерна тежина. Следуваат Литванија (24,6%) и Финска (23,2%). Најмалку дебели има во Италија (7,0%), Грција (12,8%) и Романија (12,9%).
Последниот податок на Евростат за Македонија е од 2022 година и вели дека дебели биле 15,4 % од македонскиет граѓани.
