ФОТО:printscreen
Синоќа во Париз, во 1/2 финалето во ЛШ екипите на ПСЖ и Баерн Минхен одиграа епски меч, веројатно најдобриот во историјата на фудбалот. Постигнати беа 9 гола во победата од 5-4 на „Паркот на принцовите“ за домашниот состав.
Луис Енрике, тренерот на домашниот тим, беше на аут-линијата за да им даде инструкции на своите ученици, а оној на Баварците – Винсент Компани, беше на трибините, отслужувајќи суспензија по четвртфиналето против Реал Мадрид.
По натпреварот, Компани и Енрике имаа своја конверација, додека Шпанецот даваше интервју. Гледајќи го Белгиецот, Енрике го поздрави, но и го праша:
„Го гледаше мечот од трибината! Дали ви се допадна?“. На Компани му се допадна шегата, кој беше искрен и едноставно одговори:
„Не!“, со насмевка на лицето.
Моментот помеѓу двајцата тренери доби огромна популарност, покажувајќи дека може да има колегијалност помеѓу тренерите дури и по толку драматичен натпревар како оној во кој ПСЖ го победи Баерн Минхен со 5:4 во првото полуфинале од Лигата на шампионите.
