Двајца пациенти на возраст од 76 и 66 години, од седумте хоспитализирани со западнонилска треска на Инфективната клиника, се во критична состојба и се на механичка вентилација. Директорот на Клиниката информираше дека за уште тројца пациенти со акутно заболување на мозокот се очекуваат резултати од Институтот за јавно здравје. Сите седум потврдени случаи се од скопски населби, а само еден пациент патувал во Грција. Пациентите се над 60 години и имаат хронични заболувања, но останатите се во стабилна состојба и се лекуваат според медицинските протоколи. Од Клиниката апелираат граѓаните да ги следат препораките на надлежните служби.
„Моментално на Клиниката за инфективни болести има хоспитализирани 7 пациенти со лабораториски потврдена инфекција со болеста западнонилска треска. За жал, двајца пациенти се во критична остојба кои се хоспитализирани на Клиниката за инфективни болести. Едниот е 76 годишен, другиот е 66 годишен, двајцата се интубирани и се лекуваат во одделот за интензинвно лекување“.
