Скопје, 4 февруари – Директорот на СИГАЛ Македонија, Дритон Азизи, имаше задоволство и чест да го прими Неговата екселенција Мартин Памер, амбасадор на Република Австрија, во официјална посета во просториите “СИГАЛ Македонија“.
Посетата се одржа во многу пријателска атмосфера и меѓусебно почитување, каде што беше разговарано за улогата на осигурителниот сектор, соработката меѓу бизнисот и меѓународните институции, како и можностите за понатамошно продлабочување на овие односи.
За време на средбата, амбасадорот Памер им посака на претставниците на СИГАЛ Македонија успех во нивната работа и ги покани да учествуваат на Виенскиот бал, престижен културен настан што се организира секоја година во Скопје.
Директорот на СИГАЛ Македонија, г-дин Дритон Азизи, изрази благодарност за посетата, вниманието и поддршката што ги покажа амбасадорот на Австрија, нагласувајќи ја важноста на оваа соработка во зајакнувањето на врските меѓу бизнис заедницата и меѓународните институции.
СИГАЛ Македонија високо ја цени оваа посета, која претставува важен чекор кон унапредување на партнерствата и промовирање на заедничките вредности.
