Дел од семејствата на починатите во трагедијата во Кочани денес остварија средба со амбасадорката на Кралството Холандија, г-ѓа Озлем Канелво просториите на ЗГ.
Иако средбата се одржа во рамки на дипломатски протокол, таа помина во исклучително топла, блиска и човечка атмосфера. Семејствата со длабока, достоинствена искреност ги споделија своите болки, искуства и предизвици со кои секојдневно се соочуваат.
Амбасадорката ги сослуша со внимание и искрено разбирање, пренесувајќи поддршка која беше почувствувана не само на институционално, туку и на човечко ниво.
Дополнително, им се заблагодаривме за континуираната поддршка што ја даваат холандските фирми во Кочани и Виница, поддршка која има значење и тежина за нашата заедница, посебно за нас семејствата на починатите.
Разговорот донесе чувство на почит, доверба и создаде основа за понатамошна комуникација и охрабрување за идните чекори.
