Вчера, беа одиграни шест натпревари од првата фаза на Купот на Македонија, а најмногу погодоци имаше на два натпревари, каде вкупно 30 погодоци беа постигнати.
Третолигашот Карбинци доживеа дебакл од прволигашот Работнички, откако на домашен терен беше торпедиран со 0:16, а по мечот од ФК Карбинци им се извинија на наввиачтие и на спортската јавност во општина Карбинци за очајниот настап и лошиот резултат, од клубот додаваат иако разликата во квалитет е голема сепак, тоа не е оправдување за очајната игра.
Детонит Плачковица со високи и убедливи 1:4 го декласираше тимот на Башкими од Јаболчиште во Велес, а висока победа од 1:7 имаше тимот на Силекс кој беше пресилен за третолигашот Евротип.
Голем пораз доживеа и третолигашот Љуботен од прволигашот Македонија ЃП со резултат од 0:14.
Штипска Брегалница патува во следната фаза од Купот на Македонија, откако со 0:6 го доби составот на Победа Валандово, што ја потврди разликата, а „сините“ настапија во комбиниран состав и чуваат сили за првенството.
Најнеизвесно беше меѓу Охрид и Брера Струмица, каде во регуларниот дел беше 1:1, а во пенал-серијата охриѓани беа подобри и го исфрлија струмичкиот прволигаш од Купот, а победата добива на тежина бидејќи Охрид играше со играч помалку, откако голманот заработи црвен картон.
Денес играат Беласица и Арсими, на 2 септември ќе се соочат Шкендија Арачиново и Каменица Саса, на 3 септември Пчиња со Новаци и Тетекс со Пелистер. На 9 септември Победа ќе игра со Башкими.
Првата фаза од Купот на Македонија се комплетира на 10 септември со три меча. Скопје против Тикве, Јени Маале со Шкендија и Кожуф со Шкупи.
