Неделата без Лигата на шампионите, Лигата на Европа и Лигата на конференцијата донесе возбуда за купови во неколку европски земји. Во Германија, Купот на Германија стигна до осминафиналето, а покрај гигантите како Баерн, Дортмунд и Леверкузен, Херта Берлин привлече најголемо внимание. Тие славеа со 6:1 против Кајзерслаутерн, а меѓу стрелците беше тинејџерот Кенет Ајхорн, 16-годишник роден во 2009 година, кој имаше ноќ од соништата, пишува Calciomercato.
Млад играч од средниот ред со дефанзивен профил
Ајхорн го постигна својот прв гол меѓу професионалците, иако игра како дефанзивен играч од средниот ред, значително далеку од голот на противникот. Во составот 4-2-3-1 на Херта, тој игра како еден од двете „шестки“, пред одбраната, и покрај својата младост, веќе има повеќе од десет настапи оваа сезона, речиси секогаш во почетната постава. Голот на Купот на Германија беше негов трет во кариерата, откако претходно постигна голови за екипите на Херта до 17 и до 19 години. Германските медиуми го споредуваат со Тони Крос на помлади гоодини, бидејќи, покрај неговата способност да ја одземе топката, има сигурна контрола и дриблинг.
Големите имиња веќе го следат 16-годишникот
По испаѓањето од Бундеслигата минатата година, Херта се стреми да се врати во елитата, а тренерот Стеан Лајтл сè повеќе му верува на младиот Ајхорн. Во август, тој стана најмладиот дебитант во историјата на втората германска лига со само 16 години и 14 дена, кратко време по потпишувањето на својот прв професионален договор.
Неговиот талент брзо го привлече вниманието на големите европски клубови. Според информациите од Германија, пазарната вредност на Ајхорн веќе е околу 20 милиони евра, а неговото име е во базите на податоци за скаути на ПСЖ, Баерн, Дортмунд, Барселона, Манчестер Јунајтед и Реал Мадрид.
