Жолтите дамки од пот, сок од портокал или домат повеќе не значат дека треба да се користат агресивни избелувачи. Јапонски истражувачи откриле дека интензивната сина LED светлина ги отстранува тврдокорните дамки подобро од класичните методи, без да ја оштети ткаенината.
Жолтите дамки се предизвикани од сквален и олеинска киселина во потта и маснотиите на кожата. Во експериментите, научниците нанесоа сквален на памук, свила и полиестер и ги третираа 10 минути – со раствор на водороден пероксид, UV светлина или со сина LED светлина. Анализите покажаа дека сината LED светлина значително ги избелува дамките, додека UV третманот може дури да создаде нови жолти соединенија.
Како делува методата?
Сината LED светлина, во комбинација со кислородот во околината, предизвикува оксидација која природно ја осветлува ткаенината. „Овој пристап ја избегнува употребата на агресивни хемикалии потребни во конвенционалните методи за избелување, што го прави поодржлив и погоден за чувствителни ткаенини“, објаснува авторот Томохиро Сугахара.
Научниците планираат да го комерцијализираат системот за домашна и индустриска употреба, со дополнителни тестови за безбедност. Методата ветува чистење со помалку хемикалии, помала потрошувачка на енергија и поголема ефикасност, особено на чувствителни ткаенини.
