Едно лице се здобило со тешки телесни повреди, а три лица со телесни повреди во сообраќајна несреќа што синоќа се случила на патот Тетово–Гостивар, соопшти МВР.
Несреќата се случила во 22:25 часот, кога патничко возило „ауди“ со дебарски регистарски ознаки, управувано од А.М.(28) од Дебар, излетало од коловозот.
Во несреќата со тешки телесни повреди се здобил сопатникот Е.Б.(18) од Дебар, додека со телесни повреди се здобиле возачот и другите двајца сопатници А.Ф.(18) и А.М.(19), сите од Дебар.
Повредените биле пренесени во Ургентниот центар во Гостивар и во Комплексот клиники „Мајка Тереза“ во Скопје.
Увид на местото извршила екипа од ОВР Гостивар.
