Медиумите во Албанија ексклузивно објавуваат дека родениот битолчанец и дете на ФК Пелистер, Усни Исмаили за прв пат во кариерата ќе добие повик за А репрезентацијата на Албанија.
Играчот сега веќе на Динамо Сити, од мали нозе што се вели беше регрутиран да игра за нашиот сосед иако е роден во Битола, и играше за Пелистер.
Откако одработи петнаесетина мечеви во младинските селекции на Албанија, од У17, па се до У21, еве сега Исмаили добива шанса и во сениорите.
Покрај Пелистер, во нашиот ПМФЛ шампионат, настапуваше уште и за Воска односно Караорман, а во Албанија беше дел и од тимот на Вора.
Исмаили има 24 години во моментов, а ќе дебитира на некој од мечевите против Финска и Белорусија, кој што Албанија ги игра во рамките од Лигата на Нациите.
