На денешниот настан „Саем‑Отчет: 4 години работа за тебе“, градоначалникот на општина Битола, Тони Коњановски, изјави дека градот е лидер во вториот повик за аплицирање со вкупно 65 одобрени проекти, кои како што рече, ќе придонесат за значително променет изглед на урбаното јадро.
Тој нагласи дека досегашните инфраструктурни активности опфаќаат изградба на влезниот булевар, пешачки и велосипедски патеки, како и нова индустриска обиколница („Бурса“) која ќе ја поврзува Битола со грчката граница. Првите 800 метри од булеварот се речиси завршени. Дел од проектите се финансирани преку буџетски средства и унгарски кредит од Владата, што според градоначалникот, изнесува повеќе од 15 милиони евра.
Во последните четири години, според него, се обновени преку 50 км улици и се реализира еден туристички и инфраструктурен „градежен бум“ надвор од Битола.
