Спортскиот директор на Баерн Минхен, Макс Еберл, го демантираше интересот на клубот за напаѓачот на Челзи, Николас Џексон.
„Билд“ објави дека Баерн испратил понуда за 24-годишниот сенегалски репрезентативец, чија вредност во клубот е проценета на околу 65 милиони евра.
„Апсолутно не. Никогаш не сме разговарале за него. Задоволни сме од сегашниот состав на Баерн, иако останува уште речиси еден месец од преодниот рок и сè е можно. Ќе видиме што се случува околу нас и ќе реагираме доколку е потребно“, изјави Макс Еберл.
Во исто време и Њукасл покажува сериозен интерес, барајќи замена за напаѓачот Александар Исак, кој сака да замине од клубот.
Италијанските гиганти Милан и Јувентус исто така ја разгледуваат можноста за ангажман на Џексон.
Иако напаѓачот преферира да остане на „Стемфорд бриџ“, по пристигнувањето на Лијам Делап и Жоао Педро, позицијата на Џексон во тимот станува сѐ помалку сигурна.
