Група малолетници нападнаа автобус со српски туристи кај автопатот Егнатија во близина на Солун, Грција. Во нападот, кој се случил во среда навечер пред излезот за старата магистрала Солун–Верија, полесно беа повредени три лица, според информациите на грчкиот медиум „Прототема“.
Автобусот со 38 патници од Србија бил погоден со камења доцна навечер. Според пријавата поднесена до полицијата, нападот го извршиле четворица лица, најверојатно малолетници.
Од фрлањето на камењата било скршено стаклото на автобусот, при што беа повредени тројца патници. Еден од возачите, маж на возраст од 64 години, со полесни повреди бил пренесен во болницата АХЕПА, од каде бил пуштен по укажаната медицинска помош. Уште две лица со српско државјанство добиле полесни повреди, но не сакале болничка интервенција.
Полицијата по извршената истрага привела две лица, но бидејќи не биле пронајдени докази против нив, тие биле ослободени.
Видеозапис од инцидентот може да се погледне тука:
Κατά τη διάρκεια της χθεσινής νύχτας στην Εγνατία (λιγο πριν την έξοδο για την παλαιά εθνική οδό Θεσσαλονίκης – Βέροιας) ανήλικοι πέταξαν πέτρες σε λεωφορείο από τη Σερβία— in.gr (@in_gr) June 12, 2024
Извор: N1
