Вчера околу 10:00 часот во ОВР Свети Николе, Б.З.(42) од Свети Николе пријавил дека на место викано „Сиври тепе“, атар на Свети Николе, пронашол граната, се наведува во полицискиот билтен.
Од пиротехничар на Дирекцијата за заштита и спасување граната била безбедно подигната, при што било констатирано дека се работи за артилериска граната со калибар од 75 милиметри од Првата светска војна.
Извршен бил и увид од увидна екипа на ОВР Свети Николе.
