Бурни реакции на социјалната мрежа “X“ откако Стопанската комора вчера предложи бројот на неработни денови да се намали. Воедно, се предлага празниците што се паѓаат во недела да не се префрлаат како неработен ден во понеделник. Предлогот наиде на спротивставување од Сојузот на синдикатите на Македонија, но и пошироката јавност.
Граѓанската активистка и претседателка на „Гласен Текстилец“, Кристина Ампева вчера порача „Ако Европа ни е пример за празниците, нека ни биде пример и за платите“.
Твитерџиите со поделени мислиња. Како и секогаш, досетливи, иронични, и на моменти прецизни…
Иако повеќето се на страната на работничката класа, сепак има и такви кои сметаат дека македонските работници се непродуктивни и дека, по примерот, на големите европски економии треба да се работи повеќе денови.
