Одложено е судското рочиште за случајот „Лотарија на Македонија“, откако обвинетиот Б. Авдиу побара обвинението да му биде преведено и на Албански јазик.
Во Кривичниот суд, во врска со случајот се појави и поранешниот вицепремиер Артан Груби, кој пред судот изјави дека не се чувствува виновен за обвиненијата поврзани со случајот „Лотарија на Македонија“.
Во текот на постапката, Обвинителството ја зголеми сумата на наводно предизвиканата штета, која сега се проценува на 596.125.511 денари. Според новата проценка на Обвинителството, штетата изнесува околу 9,7 милиони евра, во споредба со претходната проценка од околу 8 милиони евра.
