Несекојдневна и застрашувачка сообраќајна несреќа се случи во вторникот попладне на автопатот А1 во Хрватска, на одмориштето Надин-Југ, кога патничко возило под полна брзина ја проби стаклената фасада на ресторан и заврши во неговата внатрешност.
На социјалните мрежи брзо се прошири снимката од камерите за надзор, објавена од страницата „Црна хроника Хрватска“. На видеото јасно се гледа како автомобил марка „Ауди“ со австриски регистарски таблички се движи низ просторот на одмориштето, а потоа одеднаш, без да закочи, директно удира во стаклениот ѕид од угостителскиот објект.
https://www.instagram.com/reel/DcedECRNeRB/?utm_source=ig_web_copy_link&igsi=NTc4MTIwNjQ2YQ==
Возилото под силен удар целосно го крши стаклото и со предниот дел влетува меѓу масите во ресторанот, создавајќи вистинска паника кај присутните. Полицијата врши увид за да ги утврди причините за оваа необична несреќа.
