Голема меѓународна полициска операција резултираше со сузбивање на организирана криминална група за прекугранична трговија со дрога. Во досегашниот тек од акцијата се уапсени неколку лица, а запленети се околу 300 килограми марихуана.
Операцијата се спроведува во блиска координација меѓу Министерството за внатрешни работи (Оддел за криминалистичка полиција) и полициските и обвинителските тимови од Косово и Грција, објави 4news.mk
Акцијата е резултат на долготрајна оперативна истрага во која биле следени активностите на криминалната мрежа за шверц на наркотици во трите држави.
Полициските дејствија и претреси продолжуваат во текот на денешниот ден во Македонија и Косово, со цел целосно расветлување на случајот и откривање на сите вмешани лица.
Од МВР информираат дека поради тоа што истрагата е во тек, засега не се откриваат детали за идентитетот на уапсените и начинот на кој функционирала групата. Повеќе информации се најавуваат по целосното завршување на операцијата.
