Утрово во 04:08 часот во село Богородица, гевгелиско, полициски службеници од СВР Струмица-ОВР Гевгелија го лишиле од слобода И.Р.(42) од село Богородица.
Во полицискиот билтен се наведува дека при контрола во патниот сообраќај, полициските службеници сопреле патничко возило „цитроен“ со гевгелиски регистарски ознаки, кое го управувал и по извршеното мерење со дрегер било утврдено дека возилото го управувал со 2,58 промили алкохол во организмот.
Возилото било одземено, а за настанот бил известен јавен обвинител од Основното јавно обвинителство Гевгелија.
По целосно документирање на случајот, ќе биде поднесена соодветна пријава по член 297-а од Кривичниот законик- „безобѕирно управување со моторно возило”.
