Македонија и натаму е под влијание на силен топлотен бран, а денеска се очекува максималната дневна температура да достигне до 39 степени Целзиусови.
Според прогнозата на Управата за хидрометеоролошки работи (УХМР), ќе дува ветер од североисточен правец во западните делови на земјата, додека во источните предели ќе преовладува северозападен ветер.
Утринските температури ќе се движат од 9 до 19 степени.
Од УХМР најавуваат дека многу топлото време ќе се задржи и во наредните денови. До крајот на неделата, на повеќе места температурата ќе надмине 40 степени, а тропски ќе бидат и ноќите, со високи минимални температури.
