EPA/JIJI PRESS JAPAN OUT EDITORIAL USE ONLY
Бројот на загинати во силниот земјотрес со јачина од 7,1 степен според Рихтеровата скала, кој го погоди јапонскиот град Кумамото вo вторникот, се искачи на 18. Властите предупредуваат дека конечниот биланс на жртви и штети сè уште не е познат, додека спасувачките екипи продолжуваат да бараат преживеани под урнатините.
Од делумно срушениот трговски центар, во кој загинале две млади жени кога во него, еден час по земјотресот, се случила силна експлозија, извлечени се осум луѓе, додека локалните власти истражуваат дали причина за експлозијата било истекување гас. Според јавниот сервис НХК, меѓу 20 и 30 вработени во трговскиот центар сè уште се водат како исчезнати, а уште седум луѓе се исчезнати по уривање на оџак во фабриката „Нипон пејпер индастрис“.
Земјотресот предизвика прекини во снабдувањето со електрична енергија во илјадници домови и сериозно ја оштети патната инфраструктура во регионот. Поради опасност од нови потреси и оштетени објекти, властите евакуираа околу 260.000 жители и ги сместија во привремени засолништа.
