Пациентка била одбиена да биде хоспитализирана во „Бардовци“, а по само еден ден во психијатрискиот оддел во во Градската болница „8 Септември“ била отпуштена бидејќи немале кревети, со што жената е вратена дома кај една од ќерките, која има бебе. Нејзината психичка состојба е лоша, а претставува ризик и за самата себе и за тие што живеат со неа
јуни 25, 2026 10:05
Од 1 мај, годинава во Психијатриската болница „Бардовци“ не се примаат нови пациенти бидејќи дел од одделите се реновираат, но и немаат доволно кадар, кој ќе работи со нив, што значи дека веќе два месеци дел од пациентите немаат каде да се лекуваат.
Тоа што е уште пострашно е што болницата располага само со 9 психијатри на околу 300 пациенти, а во судскиот оддел, еден болничар и еден техничар се справуваат со 41 опасен пациент. Сè на сè, животот и на пациентите и на вработените е загрозен.
