Извршниот директор на Open AI, Сем Алтман, денес процени дека вештачката интелигенција го менува пазарот на трудот, но дека веројатно нема да доведе до масовни загуби на работни места, таканаречената „апокалипса на работни места“, како што претходно предвидуваа некои аналитичари.
Зборувајќи на конференција во Сиднеј, Алтман рече дека вештачката интелигенција досега не го предизвикала очекуваниот бран на намалување на работните места, особено на работните места на почетно ниво, објави Ројтерс.
Тој призна дека претходно имал различни очекувања за брзината и интензитетот на влијанието на вештачката интелигенција врз вработеноста, истакнувајќи дека погрешно ги проценил краткорочните социјални и економски ефекти од технологијата.
