Шест лица беа убиени во израелски воздушен напад врз Кфар Дунин во јужен Либан синоќа, објави либанската државна новинска агенција (NNA).
„Непријателски авиони погодија куќа во Кфар Дунин синоќа, при што загинаа шест, а седумте лица кои беа ранети, беа однесени во болници во Тир“, напиша агенцијата.
Во меѓувреме, израелската војска на социјалните мрежи нареди евакуација на жителите на малото гратче Сохмор во долината Бека на истокот од земјата поради очекувано бомбардирање.
