На 16 и 17 јули, Monte 1350 Bar ќе биде домаќин на еден од најексклузивните летни настани во регионот – HEAT x Monte 1350, кој носи врвна електронска музика во уникатен амбиент со панорамски поглед и зајдисонце.
Првично најавениот настан на 17 јули беше распродаден за рекордни 24 часа, по што организаторите додадоа уште еден датум – 16 јули, кој веќе е блиску до целосно распродавање.
Главна ѕвезда на двете вечери е ZHU (Steven Zhu) – глобално реномиран артист познат по својот препознатлив спој на електронска музика, вокали и визуелен перформанс. Со настапи на фестивали како Coachella, Ultra Music Festival и Electric Daisy Carnival, ZHU важи за еден од највлијателните имиња на модерната сцена.
Внимание привлекува и Andrew Meller – артист со интернационална кариера, познат по својот емотивен и мелодичен звук кој се движи помеѓу melodic techno и progressive house. Неговите изданија се поддржани од големи имиња како и лејблови, Diynamic на Solomun, Saved, Stereo, а настапите се карактеризираат со силна енергија и прецизна селекција, што го прави еден од најбараните артисти на регионалната сцена.
Локалниот и регионален пулс го носи и IDQ – проект кој гради препознатлив звук инспириран од afro, melodic и deep house влијанија со изданиа на популарни лејблови Circus Recordings, The Soundgarden и други. Нивни сетови се внимателно градирани, со фокус на groove и атмосфера, што совршено се вклопува во open-air концептот на Monte 1350. IDQ сè повеќе се позиционира како име кое треба да се следи во новата генерација артисти.
Покрај нив, програмата ја заокружува и Melty Disco, додавајќи дополнителен слој на еклектичен звук и летна енергија.
Зад целиот концепт стои HEAT во соработка со Monte 1350 Bar, додека програмскиот идентитет на локацијата е куриран од Vedrana Gjorgjevikj, која внесува современ и внимателно селектиран музички правец.
Со комбинација од врвна музика, продукција и уникатна локација, HEAT x Monte 1350 веќе се наметнува како еден од најзначајните летни настани во 2026 година.
