Во првите полуфинални пресметки во Лига Европа, фудбалерите на Нотингем Форест триумфираа синоќа над Астон Вила со 1-0 на домашен терен, додека Брага го победи Фрајбург со 2-1.
Брага до победата на домашен терен над Фрајбург дојде во судиското продолжение, откако португалскиот тим дојде до почетно водство во осмата минута со голот на Тикназ.
Фрајбург не чекаше долго за да одговори и само осум минути подоцна го израмни резултатот со голот на Гриф.
Брага во финишот на првото полувреме не реализираше пенал, но дојде до минимална предност пред реваншот со голот на Доргелес во втората минута од судиското продолжение на натпреварот.
Иако Нотингем Форест се бори за останување во Премиер лигата, додека Астон Вила е на другиот крај од табелата и го брка Лигата на шампионите, натпреварот меѓу двата тима во четврток беше тесен.
Во англиската пресметка во Нотингем, фудбалерите на Форест обезбедија минимална предност пред реваншот во Бирмингем со голот на Вуд од пенал во 71 минута.
