На парламентарните избори во Словенија, движењето „Слобода“ на премиерот Роберт Голоб освои најмногу гласови (28,54%), но го загуби мнозинството. Главната опозиција, Словенечка демократска партија на Јанез Јанша, доби речиси ист резултат (28,17%), што ја прави политичката сцена неизвесна.
Ниту еден блок нема доволно пратеници за самостојна влада, па следуваат тешки коалициски преговори. Голоб најави обид за нова влада, нагласувајќи дека има „обновен мандат“. Социјалдемократите и Левица освоија помал број мандати, додека десницата ја засили позицијата со НСИ и нови партии.
Изборите беа обележани и со скандали за наводна корупција и странско влијание. Случајот со израелската агенција „Блек кјуб“ дополнително ја засили политичката тензија.
