Претседателката на Косово, Вјоса Османи, се најде на мета на остри критики и директно негирање од страна на придружбата на Доналд Трамп, откако се обиде да ја прикаже новата американска администрација како силен сојузник на Приштина.
Што тврди Вјоса Османи?
Според профилот „kos_data“ на мрежата X, Османи изјавила дека „втората администрација на Трамп е најпрокосовски ориентирана американска администрација од времето на Џорџ Буш, кога Косово прогласи независност“. За дополнително да го нагласи ова тврдење, Османи додаде дека претходната, администрацијата на Бајден, постојано барала отстапки од Приштина.
Сепак, обидот да се додворува на новата администрација во Вашингтон наиде на брз и брутален одговор од таборот на Трамп. Нејзините тврдења беа директно отфрлени со остри зборови на сметка на сегашното раководство во Приштина:
„Таа лаже. Тимот Курти-Османи беше катастрофа и сите можеме јасно да го видиме тоа. Таа ќе каже апсолутно сè заради сопствениот политички опстанок“, одговори претставникот на американскиот претседател за специјални мисии, Ричард Гренел.
