Прволигашот Башкими од Куманово е решен да направи голем „ремонт“ во своите редови и сигурно е дека повратникот во Првата лига во пролетниот дел ќе изгледа сосема поинаку кога е во прашање ростерот.
Башкими реши да им се заблагодари на Марко Симоновски, Огузан Ајдоган, Фламур Џелили, Абдулхади Јахја, Недим Хаџиќ, како и на Иса Аденкуле, Хабубула Аскар, дресот на Башкими во иднина нема да го носат ниту Фарук Бихорац, Самет Реџепи како и Ардит Демири.
Башкими есенскиот дел го заврши на шестото место со 22 бодови, колку што има и Арсими кој е петти на табелата.
Тимот направи и една тренерска промена, откако Башкими на почетокот на сезоната одлучи да се раздели со Блаже Јанакиевски, човекот кој го внесе тимот во Прва лига и го донесе Муарем Муарем.
Меѓутоа во текот на есенската полусезона се случи пресврт – Муарем се раздели со Башкими, а клубот од Куманово го врати Јанакиевски на тренерското столче, додека пак Муарем сега е тренер на Работнички.
Во следниот период се очекува Башкими активно да се вклучи на трансфер пазарот и да започне со промоција на првите зимски засилувања.
Александар Ванев, М-Нет
