Актерот и продуцент Стефан Николовски, заедно со својата продукција 1400 Studios, повторно ја спои хуманоста и креативноста. По завршувањето на неговиот голем giveaway, во кој беа доделени мотор, Fiat 500 и неверојатно BMW 520d G30, Николовски објави дека ќе донира 240.000 денари во хуманитарни цели.
Посебната идеја зад овој проект беше тоа што за секој коментар под фотографијата од giveaway-от Николовски донира по 1 денар. На крајот, беа изброени неверојатни 240.000 коментари, што значи и 240.000 денари донација – директно од Стефан и неговата продукција.
„Сакав секој коментар да има вистинска вредност. Публиката ме поддржува секојдневно, а овојпат решив таа поддршка да ја претворам во нешто што ќе направи добро дело,“ изјави Николовски.
Главното извлекување се одржа на03.11.2025 година, а овој проект уште еднаш потврди дека 1400 Studios не е само продукција што создава содржина – туку и бренд што гради вредности, инспирира и помага.
